Бозии охирини даври 1/4 ниҳоии Лигаи Чемпионҳо миёни "Манчестер Сити" ва "Лион" баргузор шуд, ки натиҷааш ғайри чашмдошт гардид. Бозӣ дар варзишгоҳи «Жозе Алваладе»-и шаҳри Лиссабон сурат гирифта, бо ҳисоби  3:1 ба фойдаи бошгоҳи фаронсавӣ ба анҷом расид. Дар миёнаи қисми аввал  форварди «Лиона» Максвелл Корне ҳисобро боз кард. Дар дақиқаи 69-уми бозӣ  Кевин Де Брюйне голи ҷавобиро зад.  Дар дақиқаи 79-уми рақобат футболбози "Лион" - Мусса Дембеле баъд аз курсии бозигарони захиравӣ ба майдон баромадан, голзанӣ намуду дастааш ба пеш баромад. Бо гузаши 8 дақиқаи дигар ҳамлавари фаронсавӣ голи дуюми худро зада, дубл кард. "Лион" ба даври нимниҳоии Лигаи Чемпионҳо баромад ва "Ман Сити" бошад, ин мавсим низ ба натиҷаи дилхоҳ даст наёфт.