Дар бозии даври ¼ ниҳоии Лигаи Чемпионҳо “Барселона” аз “Бавария” бо ҳисоби бузурги 8 бар 2 мағлуб шуд.
Голи аввалро дар вохӯрӣ Томас Мюллер аллакай дар дақиқаи 4-ум зад. Пас аз се дақиқа, Давид Алаба тӯбро ғайри интизор ба дарвозаи дастаи худ ворид сохта, ҳисоб 1 бар 1 шуд. Шуруъ аз дақиқаи 21-ум то 31-уми рақобат бозикунони “Бавария” се голи дигар заданд. Иван Перишич, Серж Гнабри ва Томас Мюллер муаллифи зарбаҳои дақиқ шуданд. Қисмати аввали бозӣ бо ҳисоби 4:1 ба анҷом расид. “Барселона” дар таърихи худ бори паввал дар қисми аввали бозии Лигаи Чемпионҳо 4 гол хурд. “Барселона” нимаи дуввумро фаъолтар оғоз кард ва як гол зад - Луис Суарес бори дуюм хати дарвозаи мюнхениҳоро рахна кард. Аммо баъд аз он, танҳо "Бавария" гол зад: Йозуа Киммих, Роберт Левандовски ва ду голи дигарро бошад, бозигари худи каталониҳо Филипп Коутиню ба ҳадаф раоснид. “Барселона” тар таърихи даври ¼ ниҳоии Лигаи Чемпионҳо аввалин дастае шуд, ки чунин голи зиёд хӯрд. Ҳарифи бошгоҳи мюнхенӣ дар даври нимниҳоӣ баъди рақобати дастаҳои “Ман Сити” ва “Лион” маълум хоҳад шуд.