«Ювентус» умедашро аз ҳамлагари бразилии «Пари Сен-Жермен» - Неймар канда наметавонад. Дар ин бора Mundo Deportivo навиштааст.
Ба иттилои сарчашма клуби итолиёвӣ мехоҳад ҷуфти ҷолиби ҳамлагаронро бо Неймар ва футболбози португалии худ - Криштиану Роналду таъсис диҳад.
Барои ин мақсади худ «Ювентус» омодааст, ки дар муосилоти мазкур футболбози аргентинии худ - Пауло Дибаларо низ ҳамроҳ созад. Ягона мушкилот дар ин самт маоши Неймар шуда метавонад, ки ситораи бразилӣ дар “ПСЖ” 36 млн € дар як сол маблағ мегирад. Туриниҳо барои пардохти чунин маблағи калон омода нестанд ва аз Неймар хоҳиш карданд, ки агар хоҳад узви «Ювентус» бошад, пас бояд маоши камтар талаб намояд.