Ҳамлавари бразилии бошгоҳи «Пари Сен-Жермен» - Неймар ҳанӯз ҳам орзуи бозгашт ба “Барселона”-ро дорад. Ба маълумоти Mundo Deportivo форварди бразилӣ якчанд рӯз пеш барои табобат ба шаҳри Барселона ташриф оварда буд. Инчунин Неймар дар маросими зодрӯзи ҳамсари Луис Суарес иштирок намуд. Дар ин маросим Лео Месси низ ҳузур дошт. Дар рафти маросим Неймар ба собиқ ҳамдастагонаш гуфтааст, ки ӯ ҳатман соли оянда ба “Барселона” гузариш хоҳад кард. Неймар соли 2017 бо арзиши рекордии 222 млн евро аз “Барселона” ба “ПСЖ” гузариш намуда буд.