Ниммуҳофизатгари 26 солаи дастаи «Истиклол»-и Душанбе ва тими миллии кишвар Алишер Ҷалилов, беҳтарин футболбози Тоҷикистон дар соли 2019 интихоб шуд. Федератсияи футболи Тоҷикистон маросими бошукуҳи ҷойзасупорӣ, ба беҳатаринҳои сол ва ғолибони Чемпионатҳои Тоҷикистон оид ба футбол, футзал, ҳайати ҷавонону наврасон ва футболи занонаро роҳандозӣ намуд.  Барои дарёфти унвони беҳтарин футболбози сол дарвозабон, Рустам Ятимов ва Алишер Ҷалилов ҳарду аз «Истиклол», инчунин собиқ капитани “Хуҷанд”- Ҷахонгир Эргашев, ки феълан дар тими «Саиф Спортинг»-и Бангладеш бозӣ мекунад, маҳсуб мешуданд. Дар ниҳоят Алишер ин унвонро марбути номи худ сохт.