Аз 2 то 6 октябри соли ҷорӣ дар Варзишгоҳи марказии ҷумҳуриявии шаҳри Душанбе марҳилаи интихобии қаҳрамонии Осиё-2020 миёни дастаҳои мунтахаби миллии ҷавонони зери 19-сола баргузор мешавад. Дастаи мунтахаби ҷавонони Тоҷикистон таҳти роҳбарии сармураббӣ Зайниддин Раҳимов дар гурӯҳи «С» рӯзи 2 октябр бо мунтахаби ҷавонони Ҷазираҳои Малдив, рӯзи 4 октябр бо тими Лубнон ва рӯзи 6 октябр бо мунтахаби ҷавонони Сурия бозӣ мекунад. Мо, ҳама мухлисони футболро ба варзишгоҳи марказии ҷумҳуриявӣ барои дастгирии мунтахаби ҷавонони Тоҷикистон таклиф менамоем. Ташрифи шумо ба футболбозонамон нерӯву тавони иловагӣ мебахшад!!!