Дирӯз, дар Варзишгоҳи марказии шаҳри Душанбе бозии нахустини гурӯҳии марҳилаи интихобии Ҷоми ҷаҳон-2022 дар гурӯҳи “F” миёни яккачинҳои Тоҷикистон ва Қирғизистон баргузор шуд. Дар ин майдондорӣ миллипӯшони тоҷик бо ҳисоби 1:0 пирӯз шуданд, ки ягона голи ин дидорро Алишер Ҷалилов дар дақиқаи 41-ум ба самар расонид. Хотиррасон мекунем, ки ба дастгирии тими миллии кишвар наздикии 17 800 мухлис ташриф оварда буд. Дастгирии футболбози 12-ум дар бозӣ хеле муҳим аст. Ташаккури зиёд барои дастгириатон мухлисони азиз!