Имрӯз, 4-уми сентябр дар меҳмонхонаи “Ҳайат Реҷенси”-и шаҳри Душанбе нишасти матбуотии пеш аз бозии марҳилаи интихобии Чемпионати ҷаҳон-2022 миёни сармураббиёни яккачинҳои Тоҷикистон ва Қирғизистон баргузор шуд. Александр Крестинин сармураббии рустабори тими миллии Қирғизистон ба суханҳои намояндагони ВАО чунин посух дод:
"Пеш аз ҳама кишвари Тоҷикистонро барои истиқболи гарму самимӣ ташаккур мегӯям. Чи хеле, ки ба ҳамагон маълум аст, фардо бозиҳои нахустини марҳилаи гурӯҳии даври дуюми интихобии Чемпионати ҷаҳон-2022 оғоз мешаванд. Ҳар дастае, ки иштирокчии гурӯҳи «F» аст, мехоҳад нахустин рақобаташро бо пирӯзӣ оғоз кунад. “Майдон аз делер аст”. Фардо мебинем, ки дар майдон кӣ пирӯз мешавад".
