Дастаи мунтахаби ҷавонони Тоҷикистон (U-23) 1 сентябр барои вохӯриҳои дӯстона бо ҳамсолони худ аз Баҳрайн, ки рӯзҳои 3 ва 6 сентябр баргузор мешаванд, ба Манама омад. Ба ҳайати дастаи мо 23 бозигар - 3 дарвозабон, 8 ҳимоятгар, 9 нимҳимоятгар ва 3 ҳамлагар, аз ҷумла ду легионер - нимҳимоятгари “Навбаҳор” -и Ӯзбекистон Эҳсони Панҷшанбе ва ҳамлагар Шахром Самиев аз “Торпедо -БелАЗ” -и Беларус даъват карда шуданд.
Бозиҳои дӯстонаи дарпешистода яке аз марҳилаҳои омодагии тими миллии мо ба мусобиқаи интихобии Ҷоми Осиё-2022, ки аз 25 то 31 октябр дар Душанбе баргузор мешавад, ба ҳисоб меравад. Ҷавонони Тоҷикистон дар як гурӯҳ бо дастаҳои Эрон, Лубнон ва Непал бозӣ хоҳанд кард.