Дар доираи омодагӣ ба мусобиқаи интихобии Ҷоми Осиё-2022 мунтахаби ҷавонони Тоҷикистон (U-23) таҳти роҳбарии сармураббӣ Мубин Эргашев бо дастаи Баҳрайн бозиҳои дӯстона мегузаронад. Вохӯриҳои санҷишӣ байни тимҳои ҷавонони Баҳрайн ва Тоҷикистон рӯзҳои 3 ва 6 сентябр дар Манама баргузор мешаванд. Ёдовар мешавем, ки дар мусобиқаи интихобии Ҷоми Осиё-2022, ки аз 27 то 31 октябр дар Душанбе сурат мегирад, мунтахаби ҷавонони Тоҷикистон (U-23) дар гурӯҳи "В" бо дастаҳои Лубнон (27 октябр), Непал (29 октябр) ва Эрон (31 октябр) бозӣ хоҳад намуд.