Гузариши ҳамлагари “Барселона” - Луис Суарес ба дастаи “Ювентус” ба нуқтаи ниҳоии худ мерасад. Клуби туринӣ ва футболбоз дар мавриди шартномаи байни худӣ ба мувофиқа расиданд.
Баъд аз он, ки сармураббии ҷадиди бошгоҳи каталонӣ Роналд Куман  ҳамлагари уругваиро ба ҳайати асосӣ шомил накард, “Ювентус” аз ин ҳолат истифода карда бо Луис Суарес шартнома хоҳад баст. 
Тавре гуфта мешавад, ҳамлагари 33 сола  дар “Барселона” 15 млн € маош мегирад, аммо «Ювентус» иқрор шудааст, ки барои пардохти чунин маблағ омода нест ва ба Суарес  10 млн € маблағ пешниҳод кардааст. 
Дар мавсими гузашта, ҳамлагар дар ҳайати “Барселона” 36 бозӣ гузаронида, ба задани 21 гол ва 10 партофти головар даст ёфтааст.