Маҷаллаи маъруфи “France Football” навиштааст, ки ҳамлагар - Криштиану Роналду нияти “Ювентус”-ро ба “Пари Сен-Жермен” иваз карданро дошт. Аммо аз сабаби хуруҷи коронавирус ин мақсад амалӣ нашуд. Роҳбарияти дастаи ПСЖ мехостанд, ки дар хати ҳуҷуми худ сегонаи нав - Роналду, Мбаппе ва Неймарро созмон диҳанд, аммо вазъи ба амал омада, боис бар он шуд, ки футболбози португалӣ дар дастаи “Ювентус” боқӣ монд. Дар навбати худ “Пари Сен-Жермен” низ бар ивази Роналду бо Икарди, ки дар даста бозигари иҷоравӣ буд, қарордод ба имзо расонид.