Вақтҳои охир хабарҳо дар мавриди рафтани Криштиану Роналду аз дастаи “Ювентус” зиёд нашр мешавад. Тибқи иттилои охир бо ҳамлавари 35 сола як қатор дастаҳои футбол ба вижа «Реал», «Манчестер Юнайтед», «Нюкасл» ва «Интер Майами»-и Амрико мақсади бастани қарордодро доранд. Тавре гуфта мешавад, ҳолати ба амал омада ба иқтисодиёти футбол зарари калон расонид, ки “Ювентус” низ дучори мушкилии молӣ шудааст ва наметавонад маоши ин бозигари худро пардохт кунад. Криштиану Роналду дар мавсими ҷорӣ дар 24 бозии Серияи А ба задани 23 гол ва 5 партофти головар даст ёфтааст. Роналду бо “Ювентус” то тобистони соли 2022 қарордод дорад.