Бозии ниҳоии даври сеюми Лигаи олӣ байни дастаҳои “Куктош” ва “Хуҷанд” хотима ёфт. Вохӯрии тимҳо дар майдони марказии шаҳри Душанбе сурат гирифта, бо натиҷаи мусовии 1:1 хатм шуд. Дар ин дидор голи мизбононро Ҳикматулло Расулов ба ҳадаф расонд. Фатҳулло Фатҳуллоев голи ҷавобиро зада, “Хуҷанд”-ро аз нокомӣ раҳо бахшид.
Бозиҳои даври чоруми Лигаи олӣ рӯзҳои 25-ум ва 26-уми апрел баргузор мешаванд.
Чемпионати Тоҷикистон. Лигаи олӣ. Даври 3-юм
«Куктош» – «Хуҷанд» – 1:1
Голҳо: Ҳикматулло Расулов 41 (1:0). Фатҳулло Фатҳуллоев 52 (1:1).