Мунтахаби олимпии кишвар оид ба футбол ҷиҳати ширкат дар мусобиқаи байналмилалии Зуҳай-2019 дар Чин қарор дорад. Имрӯз футболбозони тоҷик дар доираи рақобатҳои даври дуюм бо мунтахаби Малӣ қувваозмоӣ карда, бо ҳисоби 3 бар 0 мағлуб шуданд. Хотиррасон мекунем, ки дар даври якум ҳам мунтахаби олимпии Тоҷикистон аз мунтахаби Чин бо ҳисоб 1 бар 2 дучори шикаст гардида буд. Бозии сеюми футболбозони тоҷик 14-уми декабр бо тими миллии Сурия баргузор мегардад.