Матбуоти Испания маълумоти муҳимро дар бораи ҳайати дастаи «Реал Мадрид» барои бозии ниҳоии Лигаи Чемпионҳо нашр кардааст. Тавре рӯзномаи Marca иттилоъ дод, ситоди мураббиёни тими шаҳри Мадрид тасмим гирифтаанд, ки дарвозабони белгиягӣ Тибо Куртуа ба майдон мебарояд ва Андрей Лунини украинӣ дар ҳайати захиравӣ боқӣ мемонад.
Ёдовар мешавем, ки Куртуа бар асари ҷароҳатҳои зону қариб тамоми мавсимро аз даст дод. Лунин дар ин мавсим бештари бозиҳоро анҷом дод, аммо дар бозии ҳалкунандаи Лигаи Қаҳрамонҳо “Реал” тасмим гирифт, ки ба белгиягии ботаҷрибатар шартгузорӣ кунад.
Бозии ниҳоии Лигаи Чемпионҳо байни бошгоҳи шоҳона ва «Боруссия»-и Дортмунд рӯзи 1 –уми июн дар «Уэмбли» баргузор мешавад.