Дар доираи бозиҳои даври ҳаштякниҳоии Лигаи Қаҳрамонҳои Аврупо дастаҳои “Интер” ва “Атлетико Мадрид” ба масофи ҳам омаданд. Вохӯрии дастаҳо дар варзишгоҳи “Ҷузеппе Меатса”-и шаҳри Милан дар ҳузури 73 709 нафар мухлис баргузор гардида, бо ҳисоби 1 бар 0 ба фоидаи мизбонон анҷом ёфт.
Қисми аввали бозӣ бидуни гол анҷом ёфт. Дар қисми дуюми бозӣ ягона голи вохӯриро Марко Арнаутович дар дақиқаи 79-ум ба самар расонид. Ирсоли головарро Лаутаро Мартинес ба Марко таъмин кард.
Ёдовар мешавем, ки бозии ҷавобии дастаҳо рӯзи 14-уми март дар шаҳри Мадрид баргузор мегардад.
Дар доираи бозиҳои даври ҳаштякниҳоии Лигаи Қаҳрамонҳои Аврупо дастаҳои “ПСВ” ва “Боруссия”-и Дортмунд ба масофи ҳам омаданд. Вохӯрии дастаҳо дар варзишгоҳи “Филипс”-и шаҳри Эйндховен дар ҳузури 34 950 нафар мухлис баргузор гардида, бо ҳисоби 1 бар 1 мусовӣ анҷом ёфт.
Ҳисобро дар вохӯрӣ нахуст Донйел Мален дар дақиқаи 24-ум боз кард. Ирсоли головарро Марсел Забитсер марбути номи хеш кард. Дар дақиқаи 56-ум Люк Де Йонг аз пеналти ҳисобро баробар кард. Бо ҳамин натиҷа вохӯрии дастаҳо ба анҷом расид.
Ёдовар мешавем, ки бозии ҷавобии дастаҳо рӯзи 14-уми март дар шаҳри Дортмунд баргузор мегардад.