«Оне, ки Довбик дар рӯйхати «Интер» аст – ман дақиқан медонам. Онҳо имконияти имзокунии шартнома бо ӯро тобистони оянда баррасӣ мекунанд – ман низ чунин иттилоъ дорам. Барои Довбик низ ин намоиш аст. «Жирона» – бошгоҳест, ки футболбозонро зиёд нигоҳ намедорад. Онҳо бозигаронро мефурӯшанд ва бо ҳамин зиндагӣ доранд», – иқтибос меорад ua.tribuna.com бо такя ба суханони журналист Виктор Васко.
Ёдовар мешавем, ки Довбик ба сафи «Жирона» тобистони соли 2023 гузариш намуда, мӯҳлати қарордодии ӯ бо бошгоҳ то соли 2028 аст. Мавсими ҷорӣ футболбоз дар 16 бозии ҳамаи мусобиқаҳо ширкат варзида, ҳашт голу шаш партофти голӣ ба омор гирифтааст.