Дастаи мунтахаби ҷавонони Тоҷикистон (U-20) дар ҷамъомади таълимиву тамринӣ дар Туркия пирӯзии дувумро ба даст овард. Дастаи Аҳлиддин Турдиев дар бозии санҷишӣ бар «Чертаново»-и Маскав пирӯз шуд. Бозии назоратӣ 18-уми феврал дар маҷмааи варзишии «Арслан Зеки Демирчӣ»-и Сиде баргузор шуда, бо ҳисоби 2:0 ба фоидаи тими ҷавонони Тоҷикистон анҷом ёфт. Ҳисобро дар дақиқаи дуюми бозӣ Абдулфаттоҳ Худойдодзода боз карда, дар дақиқаи 52-юм нимҳимоятгар Азизбек Ҳаитов бартарии дастаи моро дучанд кард.
19-уми феврал, шогирдони Аҳлиддин Турдиев дар ҷамъомади тамринии Анталия бозии чаҳоруми санҷишии худро анҷом медиҳанд. Ин дафъа бо ҳайати ҷавонони "Криля Советов" хоҳад буд.
Бозии санҷишӣ
ТОҶИКИСТОН (U-20) – «Чертаново-М» (Русия) – 2:0
Голҳо: Абдулфаттоҳ Худойдодзода, 2 (1:0). Азизбек Хаитов, 52 (2:0).