Дастаи мунтахаби Тоҷикистон (U-16) ҷамъомади таълимиву тамриниро дар Туркия идома медиҳад. 31 январ, дастпарварони Зайниддин Раҳимов бозии дӯстонаи навбатии худро дар Анталия баргузор карданд.
Дар бозии сеюми санҷишӣ мунтахаби наврасони Тоҷикистон бо тими миллии Булғористон, ки қаблан бо он мусовӣ (1:1) карда буд, вохӯрд. Ин дафъа бозӣ бо ғалабаи минималии футболбозони булғорӣ — 2:1 анҷом ёфт. Дар ҳайати тими мо як голро Муҳаммадҷони Сатторӣ, ки дар қисми дуюм ба ҳайси ивазкунанда ба майдон баромад, ба самар расонид.
