Чӣ тавре, ки қаблан хабар дода будем, аз 7-ум то 17-уми август дар шаҳри Бангкоки кишвари Тайланд Лигаи Чемпионҳои Осиё оид ба футзал баргузор мешавад, ки дастаи “Соро” дар ин чорабинӣ Тоҷикистонро намояндагӣ мекунад. Имрӯз, 8-уми август дар доираи бозиҳои марҳилаи гурӯҳӣ шогирдони Пайрав Воҳидов нахустин бозии худро бар муқобили “Вамос Матарам” баргузор намуданд. Дидори дастаҳо ҷолибу тамошобоб сурат гирифта, бо ҳисоби 6:4 ба суди “Вамос Матарам” хотима ёфт. Бояд гуфт, ки футзалбозони мо аз ҳисоби 4:0 натиҷарор баробар намуданд, вале мутаасифона дастаи рақиб дар нафасҳои охири дидор ду голи дигар ба самар расонида, ҳисобро 6:4 намуд. “Соро” бозии дуюми худро санаи 10-уми август бо дастаи “Банк оф Бейрут”-и Лубнон баргузор мекунад. Ёдовар мешавем, ки ин аввалин қадамҳои бошгоҳи “Соро” дар Лигаи Чемпионҳои Осиё оид ба футзал мебошад.