Дар шаҳри Бангкоки Тайланд марҳилаи қуръакашии чемпионати Осиё байни бошгоҳҳои футзал баргузор шуд. Дар мусобиқаи мазкур 16 дастаи беҳтарини қора ба чаҳор гуруҳ тақсим шуда, аз 7 то 17-уми август байни ҳам рақобат мекунанд. Имсол Тоҷикистонро дар ин мусобиқаи бонуфуз қаҳрамони феълии лигаи касбии футзали кишвар дастаи "Соро компания" намояндагӣ мекунад. Баъди қуръапартоӣ футзалбозони шаҳри Душанбе ба гуруҳи "С" шомил шуданд. Ҳарифи онҳо дар ин марҳила "Бонки Бейрут" (ЛУБ), "Вамос Матарам" (ИНДО) ва "Донишгоҳи Виктория" (МЯН) маҳсуб меёбанд. 

Гуруҳи "А"                                                        Гуруҳи "С"

  1. Порт ФК (ТАЙ)                                                  1. "Бонки Бейрут" (ЛУБ)
  2. ФК ЕРЕМ (ҚИРҒ)                                              2. "Вамос Матарам" (ИНДО)
  3. Шенжен Нанлинг (ЧИН)                                 3. "СОРО КОМПАНИЯ" (ТҶК) 
  4. ФК Сеул (КОР)                                                   4. "Донишгоҳи Виктория" (МЯН)

Гуруҳи "В"                                                         Гуруҳи "D"

  1. Тай Сон Нам (ВЕТ)                                            1. Мес Сангун (ҶИЭ)
  2. Нафт ал Васат (ИР)                                          2. Нагоя (ҶОП)
  3. Ал Райян (ҚАТ)                                                    3. Ал Дафра (АМА)
  4. АГМК (ӮЗБ)                                                           4. Казма ФК (Кувайт)

Дастаи "Соро Компания" нахустин бор дар ин мусобиқаи байналмилалӣ ширкат менамояд. Маврид ба зикр аст, ки дастаҳои футзали мамлакат баромадро дар ин мусобиқа ҳанӯз соли 2017-ум шуруъ карда буданд. Бори аввал дастаи футзали "Диси Инвест" ва соли гузашта тими футзали "Сипар" иштирокчии мусобиқаи мазкур маҳсуб меёфтанд, вале аз гуруҳ ба даври дигар роҳ наёфтаанд. 
Қаҳрамони феълии чемпионати Осиё байни бошгоҳҳои футзал тими "Мес Сангун" аз Ҷумҳурии Исломии Эрон мебошад, ки дар финал "Тай Сон Нам"-и Ҷопонро бо ҳисоби 4:2 мағлуб намуда буд.