Бино ба иттилои хадамоти матбуоти дастаи испанӣ, ҳамлагари «Атлетико» - Антуан Гризманн ҷароҳат бардоштааст.
Футболбози фаронсавиро мушакҳои рони пойи росташ осеб бардоштааст. Ҳамин тариқ, Гризманн дар бозии нимфинал барои Суперҷоми Испания наметавонад бар муқобили “Атлетик” ба майдон барояд.
Бозии даври 1/2 финали Суперҷоми Испания байни “Атлетико” ва “Атлетик” рӯзи 13-уми январ дар варзишгоҳи шаҳри Риёзи Арабистони Саудӣ баргузор мешавад.