Рақибони тими миллии футзали Тоҷикистон дар мусобиқаи интихобии Ҷоми Осиё-2022, ки аз 10 то 12 апрел дар Бишкек баргузор мешавад, муайян шуданд.
Аз рӯи натиҷаи қуръакашӣ мунтахаби Тоҷикистон дар минтақаи ягонаи марказӣ ва ҷанубии мусобиқаи интихобии Ҷоми Осиё-2022 дар гурӯҳи «В» қарор гирифт. Рақибони дастпарварони Пайрав Воҳидов тимҳои миллии Ӯзбекистон, Афғонистон ва Непал хоҳанд буд.
Дастаҳои Эрон, Қирғизистон, Туркманистон ва Малдив дар гурӯҳи “А” қарор гирифтанд.
Дар марҳилаи ниҳоии Ҷоми Осиё-2022, ки аз 25-уми сентябр то 20-уми октябр дар Кувайт баргузор мешавад, ду тими беҳтарин аз ҳар гурӯҳ мебарояд.
Мусобиқаи интихобии Ҷоми Осиё-2022 футзал
Минтақаҳои марказӣ ва ҷанубӣ
Гурӯҳи «В»: Ӯзбекистон, ТОҶИКИСТОН, Афғонистон, Непал.
