Дар бозии даври ½ ниҳоии Ҷоми ҷаҳон оид ба футзал тимҳои миллии Португалия ва Қазоқистон рақобати шадид нишон доданд. Набарди ҳарифон пуршиддату тамошобоб ҷараён гирифта, бо натиҷа мусовии 2:2 хотима ёфт, вале аз рӯи натиҷаи пеналти Португалия бо ҳисоби  4:3 пирӯз шуда, ба финал роҳ ёфт. Дар финал  португалиҳо бо қаҳрамони феълии ин мусобиқа тими миллии Аргентина вориди майдони рақобат мешаванд. Барои ишғоли зинаи сеюм бошад, тимҳои миллии Бразилия ва Қазоқистон бозӣ мекунанд. Ҳарду дидор санаи 3-юми октябр баргузор мешаванд.