Мунтахаби Муғулистон дар доираи бозии даври 9-уми марҳилаи интихобии Чемпионати ҷаҳон-2022 дар гурӯҳи “F” яккачини Қирғизистонро шикаст дод. Ин вохӯрӣ бо ҳисоби 1 бар 0 ба суди муғулҳо хотима ёфт. Голи ягонаи дидорро дар дақиқаи 34-ум Mийиддорҷ Оюнбаатар ба самар расонид. Ҳамакнун баъди 9 давр Муғулистон бо дарёфти 6 имтиёз дар зинаи охири ҷадвал қарор дошта, тими миллии Қирғизистон бо касби 7 хол дар мақоми 3-юм ҷойгир аст.
Дар бозии дигари гурӯҳи “F” яккачинҳои Ҷопон ва Тоҷикистон бо ҳам майдондорӣ мекунанд. Ҷараёни ин нерусанҷиро ТВ “Варзиш” ва “Футбол” мустақиман 7 июн соати 15-30 дақиқа пахш месозанд.