Дар даври шашуми Лигаи олии кишвар, шоми дирӯз – 6 май, дастаҳои “Истаравшан” бо “Хуҷанд” ва “Равшан” – и шаҳр Кӯлоб бо “Хатлон” – и шаҳри Бохтар вохӯрӣ анҷом доданд. Ин бозиҳо дербии шимол ва дербии ҷануби кишвар унвон мешуд. Дар ҳар ду бозӣ ҳам соҳибони майдон мағлуб гаштанд.

“Истаравшан” бо ҳисоби 2-3 ба дастаи “Хуҷанд” мағлуб гашта, голҳоро аз “Истаравшан” Илҳомҷон Баротов, Бахтиёр Абдураҳмонов ба самар расонида, аз меҳмонон бошад, Артём Сердюк ҳар се голро ба самар расонид.

Дастаи “Равшан” – и шаҳри Кӯлоб бошад, дар майдони марказии шаҳри Кӯлоб дастаи “Хатлон” – и шаҳри Бохтарро қабул намуда, бо ҳисоби 1-2 мағлуб гашт. Голи ягонаи кӯлобиҳоро Эффаҳ Кингслей Осей ба ҳадаф расонида, аз меҳмонон Нуриддин Ҳамроқулов ва Тоҳирҷон Тағойзода ду гол зада, бохтариҳоро соҳиби се имтиёз гардониданд.