Дастаи "Истиқлол"-и Тоҷикистон дар бозии аввали гурӯҳии Лигаи Чемпионҳои КФО бо клуби футбли "Ал-Аҳли"-и АМА бозӣ намуд. Дидори мазкур бидуни гол ва бо натиҷаи мусовии 0 бар 0 хатм шуд. Ёдовар мешавем, ки ин аввалин бозии дастаи "Истиқлол" дар рақобатҳои Лигаи Чемпионҳои Осиё маҳсуб мешавад. Дар доираи вохӯриҳои гурӯҳии ин мусобиқаи қитъавӣ, қаҳрамони Тоҷикистон дидори дуюми худро рӯзи 18-уми апрел бо дастаи АГМКА-и Ӯзбекистон анҷом хоҳад дод.