Марҳилаи гурӯҳии Лигаи қаҳрамонҳои КФО-2021 дар гурӯҳи “А” бо иштироки “Истиқлол”-и Душанбе дар Арабистони Саудӣ доир мешавад.   “Истиқлол” дар як гурӯҳ  бо дастаҳои “Ал Ҳилол”-и Арабистони Саудӣ, “Шабоб Ал-Аҳли Дубай” ва ғолиби ҷуфти  марҳилаи плей-офф миёни тимҳои “Ал-Ғарафа” (Қатар) – АГМК (Ӯзбекистон) бозӣ мекунад.  Дар марҳилаи гурӯҳии Лигаи чемпионҳои КФО қаҳрамони Тоҷикистон  шаш вохӯрӣ доир мекунад.  15 апрел   “Истиқлол” бо қаҳрамони Амороти Муттаҳидаи Араб-дастаи «Шабоб Ал-Аҳли Дубай» нерӯ месанҷад.  Ёдовар мешавем, ки даври гурӯҳии мусобиқот  дар минтақаи ғарбӣ  аз 14 то 30 апрел, дар   минтақаи шарқӣ бошад, аз 21 апрел то 7 май  баргузор мешавад.