Ниммуҳофизатгари мунтахаби миллии Тоҷикистон Комрон Турсунов дар Hero I-League – дивизиони якуми Ҳиндустон ба задани голи навбатии худ муваффақ шуд, ки голи панҷуми ӯ дар ин лига мебошад.Дар бозии даври даҳуми дивизиони якуми Ҳиндустон дастаи “ТРАУ”-и Комрон Турсунов дар сафар бо ҳисоби калони 5-1 дастаи “Индиан Эрроус”-ро шикаст дод. Дар ин бозӣ футболбози тоҷик ҳам ба задани гол ва ҳам ба анҷом додани ду партофти головар муваффақ гашт ва маротиба дуюм дар мавсим - беҳтарин бозигари вохӯрӣ эътироф шуд. Ба Комрон Турсунов барга бо арзиши 25 ҳазор рупияи Ҳиндустон, ки баробар ба 345 доллари ИМА мебошад, тақдим гардид.