Ҳамлагари мунтахаби Тоҷикистон оид ба футбол Комрон Турсунов бо дастаи “ТРАУ”-и дивизиони якуми Ҳиндустон шартномаи ҳамкорӣ ба имзо расонид. Ин даста аз мавсими 2018-2019 дар лигаи якуми Ҳиндустон ҳунарнамоӣ мекунад. Охирон дастаи Комрон дастаи "Моҳун Баган"-и ҳамин кишвар ба шумор мерафт. Турсунов дар ин тим 8 маротиба ба майдон баромада, ба задани 2 гол ва 3 партофти головар даст ёфтааст. Ҳамчунин Турсунов дар мавсими гузашта қабл аз муҳлат чемпиони Ҳиндустон гаштааст.