Ҳамлагари "Барселона" - Лионел Месси дар даври 21-уми Ла Лига ба дарвозаи "Атлетик" зарбаи ҷаримавӣ зад (2-1). Ин гол барои футболбози аргентинӣ 650-ум бо либоси каталониҳо дар тамоми мусобиқаҳо гардид, ки 456 голи он дар чемпионати Испания зада шудааст. Дар маҷмӯъ, Месси дар ҳайати “Барса” 755 бозӣ гузаронида, танҳо Хави (767) аз ӯ пештар бозӣ кардааст. Месси дар таърихи клуб беҳтарин нишонзан ба ҳисоб меравад.