Дар номинатсияи беҳтарин бозингари сол Роберт Левандовски, Криштиану Роналду ва Лионел месси пешбарӣ шуда буданд. Ҷоизаро Роберт Левандовски ба даст овард. Барои тақдими ҷоиза Президенти ФИФА Ҷанни Инфантинйо шахсан ба Мюнхэн омад. Ин аввалин ҷоизаи ин футболбози 32 сола ба шумор меравад. Дар соли 2020 Левондовски ҳамроҳи "Бавария" чемпиони Олмон шуда, Ҷоми кишварро ҳам ба даст овард. Дар баробари ин ғолиби Лигаи чемпионҳои УЭФА гардид. Роберт беҳтарин нишонзани ҳам Бундеслига ва ҳам Лигаи чемпионҳо шуд.