Ҳамлагари «Бавария» - Роберт Левандовски давоми 5 мавсими охир аст, ки дар ҳайати дастааш на камтар аз 40 гол ба ҳадаф мерасонад.
Дар бозии даври 26-уми Бундеслигаи Олмон Левандовски дар дақиқаи 40-уми бозӣ зарбаи ҷаримавиро ба дарвозаи «Унион» бидуни иштибоҳ иҷро кард. Барои ҳамлавари полшагӣ ин 40-умин гол дар мавсими ҷорӣ маҳсуб мешавад. Роберт Левандовски дар Чемпионати Олмон 26 гол, дар Лигаи Чемпионҳо 11 гол ва дар Ҷоми Олмон 3 гол задааст.
Роберт Левандовски дуюмин футболбози «Бавария» гардид, ки дар 26 бозӣ 26 гол задааст. То ин замон ин кор танҳо се маротиба ба собиқ футболбози беҳамтои олмонӣ - Герд Мюллер даст дода буд.
Дар мавсими гузашта низ Левандовски муаллифи 40 гол гардида буд. Беҳтарин нишондоди ҳамлагари 31 сола ин дар мавсими солҳои 2016/2017 маҳсуб мешавад, ки он замон нишонзан 43 зарбаи ҳадафрас иҷро кардааст.