Ҳамлагари “Ювентус“ ва мунтахаби Португалия Криштиану Роналду дар 10 бозии охиринаш бо тими миллӣ 10 гол аз бозӣ ба самар расонидааст. Дар ҳисоби ҳамлагари "Барселона" - Лионел Месси бошад, дар ҷараёни бозиҳо бо пироҳани Аргентина ягон гол дарҷ нашудааст. Роналду дар мавсими солҳои 2020/21 дар ҳайати клуби Италия дар панҷ бозӣ шаш гол зада, 1 партофти головар анҷом додааст. Дар ҳайати тими миллӣ Роналду дар 168 вохӯрӣ 102 гол зад. Лионел Месси дар мавсими солҳои 2020/21 дар ҳайати “Барселона” 10 бозӣ гузаронида, шаш гол задааст ва чор партофти головар анҷом додааст. Барои тими миллии Аргентина ҳамлагар 140 вохӯрӣ гузаронида, муаллифи 71 гол маҳсуб мешавад.