Лигаи футболи Тоҷикистон ба тақвими мусобиқоти Лигаи олӣ тағйирот ворид кард. Бозиҳои даври 14-ум ва 15-уми чемпионати Тоҷикистон бо сабаби омодагии мунтахаби кишвар ба бозии дӯстона муқобили яккачини Ӯзбекистон, ки баргузориаш рӯзи 3 сентябр дар назар аст, ба вақти дигар гузаронида шуданд. Рақобатҳои даври 14-ум рӯзҳои 7, 8 ва 11 сентябр ва даври 15-ум рӯзҳои 29-ум 30-юми сентябр баргузор мешаванд. Ҳамчунин даври ¼ ниҳоии Ҷоми Тоҷикистон рӯзҳои 13-ум ва 15-уми сентябр сурат мегиранд.