Дар таърихи мавҷудияти мусобиқоти аврупоӣ бошгоҳҳои "Бавария" ва "Барселона" 10 маротиба байни ҳам рақобат кардаанд. Дар ду бозӣ клуби испанӣ ба пирӯзӣ даст ёфтааст. Рақобати дастаҳои футболи "Бавария" ва "Барселона" аз азал классикаи футболи Аврупо номгузорӣ шудааст. Ду дастаи абарқудрат бори охир соли 2015 дар Лигаи Чемпионҳо вохӯрда буданд. Дидори ин дастаҳо рақобати марказии даври ¼ ниҳоии Лигаи қаҳрамонҳо маҳсуб мешавад ва шоми имрӯз яке бояд ба марҳилаи нимниҳоӣ барояд. Кадоме аз ин дастаҳо имконияти бештар доранд?.