Роҳбарияти УЕФА баъд аз гуфтушунидҳои зиёд билохира ба хулосае омад, ки бонуфузтарин мусобиқоти футбол байни бошгоҳо Лигаи Чемпионҳо ва Лигаи Аврупоро роҳандозӣ намояд. Мавсими ҷории Лигаи Чемпионҳо аз даври ¼ ниҳоӣ бо реҷаи «Финали ҳаштгона» дар шаҳри Лиссабони Португалия баргузор карда мешавад. Лигаи Аврупо низ ба ҳамин монанд дар яке аз варзишгоҳҳои Олмон доир мешавад. То ба ҳол ба даври ¼ ниҳоӣ дастаҳои «Пари Сен-Жермен», «Атлетико», «Аталанта» ва «РБ Лейпсиг» роҳхат гирифтаанд. 4 бозии ҷавобии даври 1/8 ниҳоӣ доир нашудааст. Тимҳои  «Реал» – «Манчестер Сити» (бозии аввал — 1:2), «Челси» – «Бавария» (0:3), «Лион» – «Ювентус» (1:0) ва «Наполи» – «Барселона» (1:1) дидори дуюмро дар варзишгоҳҳои худ анҷом медиҳанд.