УЕФА дар сомонаи расмиаш беҳтарин голҳои мавсими сипаришудаи Лигаи Чемпионҳоро мунташир намудааст. Дар ин рӯйхат зинаи аввалро голи ҳамлавари бошгоҳи “Ювентус” - Криштиану Роналду ба дарвозаи “Манчестер Юнайтед” (1:2) ишғол намудааст. Ҷои дуюмро бошад, тӯби ба нишонрасонидаи форварди “Барселона” Лео Месси ба дарвозаи “Ливерпул” (3:0) соҳиб гардидааст. Ҳамлавари “Ливерпул” Садио Мане низ бо голи задааш ба дарвозаи “Бавария” (3:1) зинаи сеюмро ба худ ихтисос додааст. Хотиррасон бояд шуд, ки дар финали Лигаи Чемпионҳо бошгоҳҳои “Тоттенхэм” ва “Ливерпул” майдондорӣ намуданд, ки дар натиҷа “Ливерпул” бо ҳисоби 2:0 пирӯз шуда, баъд аз 14 сол боз ин ҷоизаи арзишнокро ба хазинаи дастмузаҳояш ворид намуд.
Даҳ беҳтарин голи Лигаи Чемпионҳо дар мавсими 2018/19
1 Криштиану Роналду ("Ювентус" - "Манчестер Юнайтед") – даври чорум, 07.11.2018
2 Линел Месси ("Барселона" - "Ливерпул") – бозии аввали даври 1/2 ниҳоӣ, 01.05.2019
3 Садйо Мане ("Бавария" - "Ливерпул") – бозии ҷавобии даври 1/8 ниҳоӣ, 13.03.2019
4 Иван Ракитич ("Тоттенхэм" - "Барселона") – даври дуюм, 03.10.2018
5 Лерой Сане ("Манчестер Сити" - "Хоффенхайм") – даври шашум, 12.12.2018
6 Килиан Мбаппе ("Манчестер Юнайтед" - "Пари Сен-Жермен") – бозии аввали даври 1/8 ниҳоӣ, 12.02.2019
7 Раҳим Стерлинг ("Манчестер Сити" - "Шахтёр") – даври чорум, 07.11.2018
8 Усмон Дембеле ("Барселона" - "Тоттенхэм") – даври шашум, 11.12.2018
9 Филиппе Коутиню ("Барселона" - "Манчестер Юнайтед") – бозии ҷавобии даври 1/4 ниҳоӣ, 16.04.2019
10 Луис Суарес ("Барселона" - "Ливерпул") – бозии аввали даври 1/2 ниҳоӣ, 01.05.2019
Агар бо ролики голҳои 1ум 2юм ва 3юмро пешниҳод мекардед боз бениҳоят хубтар мешуд.
Пешаки раҳмат!