«Ювентус» аз тамоми бозигарони хориҷии худ даъват ба амал овардааст, ки ба Италия баргарданд. Туриниҳо мақсад доранд, ки тамринҳои худро аз нав оғоз кунанд. Дар ин бора Goal хабар медиҳад. Клубҳои футболи итолиёвӣ иҷозаи баргаштан ба тамринро гирифтанд. Дар ҳамин раванд имрӯз дастаҳои ба мисоли  «Рома», «Наполи», «Сассуоло», «Болоня»  ва «Интер» аввалин тамринҳои худро баргузор намуданд. Аз сабабе, ки аксар футболбозони дастаи «Ювентус» феълан дар кишварҳои худ қарор доранд, наметавонад ба тамрини муқаррарӣ баргарданд. 
Ин ҳам дар ҳолест, ки ҳар як нафаре, ки дохили Италия мегардад, 14 рӯз дар карантин ё дар хона маскун карда мешавад.