Охирҳои моҳи март маълум гардид, ки нимҳимоятгари бошгоҳи "Шандун Лунэн"-и Чин - Маруан Феллайни ба бемории сироятии коронавирус гирифтор шудааст. Баъди 3 ҳафтаи табобат вазъи саломатии ӯ барқарор шуду аз беморхона рухсат ёфт. Вале барои эҳтиёт ин футболбози 32 соларо боз ба муҳлати 2 ҳафтаи дигар дар карантин зери назорати духутурон мешинонанд.   
Маруан мавсими аввали худро дар Чин бобарор гузаронид. Ӯ дар 34 бозӣ муаллифи 12 гол ва 5 партофти головар гаштааст. Ёдовар мешавем, ки моҳи ҷорӣ бояд чемпионати Чин барқарор шавад, вале бинобар набудани легионерҳо гуфта мешавад, ки бозиҳо ба мавқуф гузошта мешаванд.