Ҳамлагари бошгоҳи “Бавария” - Томас Мюллер қарордоди ҳамкориашро бо мюнхэниҳо тамдид намуд. Муҳлати шартномаи футболбози 30 сола то рӯзи 30-юми июни соли 2023 эътибор дорад. Мюллер дастпарвари “Бавария” буда, аз соли 2007 инҷониб дар ҳайати асосии даста ҳунарнамоӣ мекунад. Дар ҳайати “Бавария” Томас 8 маротиба қаҳрамони Олмон шуда, панҷ маротибаи дигар Ҷом ва Суперҷоми кишварро соҳиб гардидааст. Ҳамчунин соли 2013 ғолиби Лигаи чемпионҳо ва соли 2014 чемпиони ҷаҳон дар ҳайати мунтахаби Олмон шудааст. Дар мавсими ҷорӣ бошад, ин ҳамлагар дар 25 бозии Бундеслига 6 гол зада, 16 партофти самаровар анҷом додааст.