Дар доираи омодагӣ ба марҳилаи ниҳоии Ҷоми Осиё-2020 мунтахаби наврасони Тоҷикистон (U-16) бо яккачини Ҳиндустон (U-16) ду бозии рафиқона баргузор мекунад. Шогирдони Аҳлиддин Турдиев рӯзҳои 13-ум ва 15-уми март бо ҳамтоёни ҳиндуи худ дар варзишгоҳи марказии шаҳри Душанбе рақобат менамоянд. Ёдрас мешавем, ки мунтахаби наврасони то 16 солаи Тоҷикистон дар марҳилаи ниҳоии чемпионати Осиё-2020 иштирок мекунанд. Баргузории мусобиқаи мазкур дар Баҳрайн дар назар аст.