Роҳбарияти бошгоҳи “Реал Мадрид” мақсад дорад, ки ниммуҳофизатгари “Манчестер Юнайтед” – Пол Погбаро харидорӣ кунад. Ба маълумоти El Desmarque испаниҳо омода ҳастанд, ки бар ивази Пол Погба хавбек Искои 27 соларо пешниҳод кунанд. Сарчашма менависад, ки Погба дар «Олд Траффорд» хушбахт нест ва мехоҳад, ки ҳарчӣ зудтар ҳайати “девҳои сурх”-ро тарк кунад. Ногуфта намонад, ки “Ювентус” низ яке аз муддаиёни асосӣ баҳри ба даст овардани Погба ба ҳисоб меравад. Ёдовар мешавем, ки Пол бо ҳамроҳи мунтахаби Фаронса Ҷоми ҷаҳон-2018-ро ба даст овардааст.