Бозии ҷавобии даври плей-оффи Лигаи Чемпионҳо миёни дастаҳои “Бавария” ва “Селтик” ба охир расид. Дастаҳо дар варзишгоҳи “Мюнхен Арена”-и Олмон бозӣ карданд. Ин вохӯриро ҳайати доварони фаронсавӣ таҳти раҳбарии Бенуа Бастиен ҳакамӣ карданд. Бозӣ бо ҳисоби мусовии 1:1 ба охир расид. Аз ҳисоби бозии рафту баргашт ҳисоб 3 бар 2 ба фоидаи “Бавария” шуд ва тими шаҳри Мюнхен ба даври ҳаштякниҳоӣ роҳ ёфт.

Дар дақиқаи 63-юм ҳамлагари дастаи “Селтик” Николас-Геррит Кюн ҳисобро боз кард. Дар дақиқаи 90+4-ум ҳимоятгари “Бавария” Алфонсо Дэвис мувозинатро барқарор кард.

Ёдовар мешавем, ки бозии аввалини плей-офф миёни дастаҳои “Бавария” ва “Селтик” бо пирӯзии тими Мюнхен бо ҳисоби 2:1 анҷом ёфта буд.
Ҳамакнун, “Бавария” дар марҳилаи ҳаштякниҳоӣ бо дастаҳои “Атлетико” ва “Байер” бозӣ хоҳад кард. Дар натиҷаи қуръакашӣ яке аз ин дастаҳо рақиби “Бавария” мешаванд.