Бозии даври 5-уми марҳилаи умумии Лигаи қаҳрамонҳо, ки дар он дастаҳои «Манчестер Сити» ва «Фейеноорд» вохӯрданд, дар варзишгоҳи “Иттиҳод”-и шаҳри Манчестер  бо ҳисоби 3:3 анчом ёфт.  
Лигаи чемпионҳо. Марҳилаи умумӣ. Даври 5-ум
26 ноябри соли 2024, чоршанбе. 01:00 бо вақти Душанбе
“Манчестер Сити” (Манчестер, Англия) 3:3 “Фейеноорд” (Роттердам, Нидерланд)
1:0 Ҳоланд – 44'     2:0 Гюндоган – 50’     3:0 Ҳоланд – 53’    3:1 Хоҷӣ Муссо – 75’        3:2   Хименес 82' 3:3  Ганско - 89'
Тавре Opta Sports қайд мекунад, ин аввалин бор аз моҳи майи соли 1989 аст, ки «Манчестер Сити» баъди пешсафии сегола аз  ғалаба маҳрум мешавад. 35 сол пеш чунин ҳолат бо ин бошгоҳ дар бозии дуюми дивизиони Англия бо «Борнмут» (3:3) рух дода буд.
Ёдовар мешавем, ки «Манчестер Сити» силсилабозиҳои бидуни пирӯзии худро ба шаш бозӣ дароз кард. Дар панҷ вохӯрии қаблӣ дастаи Хосеп Гвардиола шикаст хӯрда буд.