«Истиқлол» бо ҳамлагар аз Булғористон созишнома ба имзо расонид. Бо ба имзо расонидани созишномаи яксола, тими «Истиқлол» ба ҳайати худ ҳамлагар аз Булғористон Димитар Митковро шомил намуд.
Собиқ футболбози дастаҳои «Локомотив»-и София, «Лудогоретс», КМВА 1948 ва «Рубин»-и Қазон 27 январи соли 2000 таваллуд шудааст.   Футболбози нави «Истиқлол» ба ҳамдастагон муаррифӣ гардида, тамрини якуми худро гузаронд.
Митков – қадаш 191 см, дар фаъолияти касбии худ то ҳоли ҳозир дар 161 бозӣ иштирок намуда, 46 голро ба номи худ сабт намудааст. Ӯ бо пироҳани «Истиқлол» зери шумораи 45 ба майдон мебарояд.