LIVE

Аргентина бо як мушкилӣ ба даври нимниҳоии Ҷоми Амрико -2024 роҳ ёфт

Вохӯрии даври чаҳорякниҳоии Ҷоми Амрико -2024 миёни мунтахабҳои Аргентина ва Эквадор ба анҷом расид. Бозии дастаҳо дар варзишгоҳи “Эн-ар-ҷи”-и шаҳри Хюстон доир шуда, бо пирӯзии Аргентина анҷом ёфт.
Ҳисобро дар ҷараёни вохӯрӣ Лисандро Мартинес дар дақиқаи 35-ум боз кард. Дар дақиқаи 62-юм Эннер Валенсия аз ҳайати мунтахаби Эквадор пеналтиро дуруст иҷро карда натавонист. Дар лаҳзаҳои охири бозӣ аниқтараш дар дақиқаи 90+2 Кевин Родригес ҳисобро баробар кард ва ғолиб тариқи зарбаҳои 11 метра муайян шуд.
Аз ҳайати мунтахаби Аргентина Лионел Месси зарбаи аввалро ба гол табдил дода натавонист. Хулиан Алварес, Алексис Маккалистер, Гонсало Монтиэл ва Николас Отаменди голҳои Аргентинаро ба самар расониданд.
Аз ҳайати мунтахаби Эквадор Анхел Мена ва Алан Минда пеналтиро дуруст иҷро карда натавонистанд. Ҷой Йебоа ва Хорди Кайседо голҳои тими миллии Эквадорро аз пеналти ба самар расониданд.
Ҳамин тавр, дар силсилазарбаҳои 11-метра мунтахаби Аргентина бо ҳисоби 4 бар 2 ғалаба ба даст оварда, роҳашро ба марҳилаи нимниҳоии Ҷоми Амрико -2024 ҳамвор кард. Дар марҳилаи нимниҳоӣ Аргентина бо ғолиби ҷуфти Венесуэла ва Канада бозӣ мекунад.
Ёдовар мешавем, ки мунтахаби Аргентина қаҳрамони феълии Ҷоми Амрико аст. Дар финали мусобиқа Аргентина бар Бразилия бо ҳисоби 1 бар 0 пирӯз шуда буд.

Next Post

Оставить комментарий

Кликните на изображение чтобы обновить код, если он неразборчив