Дастаи миллии футболи Тоҷикистон дар радабандии нави Федератсияи умумиҷаҳонии футбол (FIFA) мавқеашро миёни 210 мунтахаби футболи саёра беҳтар кард. Баъди ғалаба бар дастаҳои яккачини Қирғизистон (1:0) Муғулистон (1:0) тими миллии мо аз зинаи 119-ум ба ҷойи 115 баромад. Аз тими мо пештар Тайланд (114) ва баъди мо Қазоқистон (116) қарор гирифтаанд.
Дастаи мунтахаби Тоҷикистон миёни кишварҳои Осиё ҳамоно дар зинаи 22-юм қарор дорад. Дар садри аввали рӯйхати мунтахабҳои футболи сайёра Белгия бо 1752 имтиёз қарор дорад. Дастаҳои миллии Фаронса ва Бразилия зинаҳои баъдиро ишғол кардаанд. Ба 10-гонаи беҳтарин мунтахабҳои ҷаҳон 4. Англия (1662), 5. Португалия (1643), 6. Уругвай (1639), 7. Испания (1631), 8. Хорватия (1625), 9. Колумбия (1622) ва 10. Аргентина (1614) шомил гардиданд.