«Ал-Иттиҳод»-и саудӣ дар ҷустуҷӯи сармураббии нав баъди аз кор ҷавоб додани муттахассиси португалӣ Нуну Эшпириту Санту мебошад.
Чӣ тавре журналист Руди Галетти дар шабакаҳои иҷтимоӣ хабар медиҳад, роҳбарияти «Ал-Иттиҳод» дар даъвати сармураббии «Рома» Жозе Моуринйо ба вазифаи сармураббии тими саудӣ иштиёқманд аст.
Пештар иттилоъ дода мешуд, ки Жозе Моуринйо метавонад тими римро бо анҷоми мавсими-2023/2024 тарк намояд. Дар     сафи «Ал-Иттиҳод» ҳамлавари фаронсавӣ Карим Бензема баромад мекунад, ки бо ӯ муттахассиси португалӣ дар «Реал» кор карда буд.
Ёдрас мекунем, ки Моуринйо «Рома»-ро аз соли  2021 тамрин дода, бо тими римӣ ӯ ғолиби Лигаи конференсияҳо дар мавсими-2021/2022 шуда буд. Айни ҳол «Рома» дар зинаи ҳафтуми ҷадвали чемпионати Италия қарор дошта, дастаи Моуринйо 17 хол баъди 11 давр ба даст овардааст.